JTC YITABIRE IHURIRO RY’IMIRYANGO Y’ABALAYIKI

Kuri uyu wa gatandatu tariki ya 11/10/2025, muri Paruwasi yaragijwe Bikira Mariya Umwamikazi w’Intumwa/NYAMATA, habereye ihuriro rya 18 ry’imiryango y’Abalayiki bitangira ubutumwa bwa Kiliziya muri Arikidiyosezi ya KIGALI.

Padiri mukuru wa paruwasi ya Nyamata,bwana francois NSANZABACU, nyuma yo gusobanura imapmvu n’akamaro ko kunyura mu muryango w’Impuhwe z’Imana, yahaye umugisha abijiraga bose.Nuko mu gusoza igitambo cya missa,Nyiricyubahiro Antoni Karidinali KAMBANDA atangaza inturujensiya zishyitse ku banyuze mu muryango w’impuhwe. Hakurikiyeho inyigisho y’umunsi yatanzwe na Bwana Padiri Jean Paul NYABYENDA,SAC agaruka ku nsanganyamatsiko y’iri huriro igira iti “MU NGO ZACU NO MU MIRYANGO TUBARIZWAMO, TUBE KOKO ABAHAMAYA BA KRISTU, WE SOKO Y’AMIZERO, UBUVANDIMWE N’AMAHORO”. Mu nyigisho ye yagaragaje ko bimwe mu bisenya ubuvandimwe harimo : kubura Imana mu buzima, icyaha, ukwikunda gukabije no kwigira nyamwigendaho.Naho ibyubaka ubuvandimwe ni ugutungwa n’Ijambo ry’Imana , gusaba no gutanga imbabazi. Ashishikariza bose kuba abahamya b’amizero mu ngo zacu n’imiryango dusengeramo.Ibi tukazabishobozwa no kwambara intwaro z’urumuli.

Ubuhamya bushimangira iyi nyigisho bwatanzwe n’urugo rwa Francois HABAKURAMA n’umugore we Annonciata.Bagaragaje ko igitumye bamaranye imyaka 50 bashyingiranywe ari ugusengera hamwe ndetse no kuganira buri wese aharanira gutagatifuza undi.

Nyuma y’inyigisho hatuwe igitambo cy’Ukaristiya cyayobowe na Nyiricyubahiro Antoine Cardinal KAMBANDA, umushumba wa Arikidiyosezi ya Kigali.

Mu nyigisho yibukije ko iyo umuntu amaze kubatizwa amaze no gukomezwa aba ahawe ubutumwa bwo guhamya Kristu kumugaragaro.yongera kwibutsa ko kuko  70% by’abanyarwanda ari urubyiruko bivuze ko Kiliziya ari urubyiruko, bityo  urubyiruko rugomba kwitabwaho ngo  rutubere igisubizo aho kuba ikibazo.yasabye kandi abagize imiryango itandukanye barushaho kugira uruhare mu mirimo ya kiliziya uhereye ku muryangoremezo n’iibindi.

Kugira ngo yezu Kristu akomeze atubere urumuli mu miryango tuvukamo n’iyo twitagatifurizamo,paruwasi ya Nyamata yari imaze umwaka ifite urumuli rw’ihuriro/ forum yarushyikirije paruwasi ya Ruli ,ari nayo izakira ihuriro ra 19 umwaka utaha.

‎Padiri Valens TWAGIRAMUNGU, ushinzwe iyi miryango yose muri Arikidiyosezi ya Kigali yamurikiye Umwepisikopi imiryango ikorera muri Arikidiyosezi.Yagaragaje ko imiryango yibaruje  isaga 50, ariko uyu munsi hakaba hitabiriye igera kuri 45 ari nayo iboneka. Muri yo harimo imiryango yabanjirije inama nkuru ya Vatikani ya 2 nk’Abasaveri, Fokorari n’indi.
Harimo kandi imiryango yavutse nyuma y’Inama nkuru ya Vatican ya 2 nka Italia Solidare, Sante Egidio, Mouvent Saseridotale Mariyale,inzira wa Neo Katekimena n’indi.
‎‎Hari n’ imiryango ishingiye ku ivugururwa muri Roho Mutagatifu nk’abakarisimatike,Kominote ya Emmanuel, Kominote Ingoro y’urukundo,Kominote y’urubyiruko ruhamya Kristu(JTC) n’indi.
‎Hiyongeraho n’imiryango yavukiye mu RWANDA, irimo: Umusamaritani w’Impuhwe, Urugaga rw’abana ba Bikira Mariya, umuryango w’Umusaraba w’Ikuzo, umuryango w’Impuhwe z’Imana, umuryango w’incuti za Nyina wa Jambo n’indi.
‎Iyi miryango yagiye ikora ibikorwa binyuranye bijyanye n’intego n’ingabire za buri muryango ariko baganisha ku nsanganyamatsiko Umwepisikopi yabahaye mu ihuriro rya 17. Abagize ihuriro biyemeje kujya bishyurira umunyeshuli umwe wiga muri seminari ya Ndera kuzageza arangije amashuli. ‎Impamvu yo kubihitamo ni uko basanze iseminari ari irerero ry’ukwemera biyemeze gufasha Arkiyepiskopi kugira ngo bagire abo barihira amafaranga y’ishuri kuzageza yiyeguriye Imana.

Mu ijambo risoza,Karidinali yasabye imiryango igomba gufasha abayirimo gushyira Kristu imbere ya byose nka Pawulo Mutagatifu wagize ati “sinjye uriho ahubwo ni Kristu uri muri njye”.Akomeza asaba ko buri muryango ugomba kujya ikurikirana abanyamuryango bawo, ukamenya uko babayeho,  bagafashwa muri byose, bikabarinda kujya mu bwigunge.

Yashoje agira ati “Mukore byose mutinuba  kandi mutiganyiriza kugira  ngo mube indakemwa n’ indahemuka,…….( Abanyafilipi 2:14-15)

Nyuma y’iri huriro iyi miryango yateguye igikorwa cy’urukundo cyo kuzasura abagororwa bo mu Igororero rya RILIMA/Bugesera.